Snjöll málörvun

Hér eru hlekkir að hljóðbókum á íslensku sem gaman er að hlusta á í bílnum, fyrir svefninn eða hvenær sem er.

Bessi Bjarnason segir sögur. Youtuberás með hljóðbókum sem lesnar eru upp af Bessa Bjarnasyni. Þar á meðal eru alþjóðlegar klassískar sögur sem má einnig finna á öðrum tungumálum. Þrír bangsar, þrír litlir grísir, Pétur og Úlfurinn o.fl. sögur. Hér er aðeins upplestur en engar myndir.

Krakkarnir í Kátugötu eru bækur sem gefnar út eru af samgöngustofu. Á Síðunni er hægt að lesa og hlusta á sögurnar og svara spurningum. Á umferðarvefnum má einnig finna ýmsan annan fróðleik og leiki tengt umferðinni á íslensku.

Listin að lesa og skrifa – rafbækur. Vefur á vegum menntamálastofnunar þar sem nálgast má rafbækur og vinnubækur fyrir börn sem eru að taka sín fyrstu skref í lestri og skrift.

Orðaleikur er þróunarverkefni unnið af MSHA fyrir börn sem læra íslensku sem annað mál. Rafbækurnar eru hluti af þróunarverkefninu en þær leggja inn grunnorðaforða s.s. lýsingarorð, sagnorð, staðsetningar- og afstöðuhugtök o.s.frv. Ég tel að þær nýtist íslenskum börnum erlendis einnig mjög vel og reyndar öllum börnum sem eru að læra grunnorðaforða í íslensku.

Smábókaskápurinn er gagnvirkur vefur inni á krakkavefum menntamálastofnunar. Þar eru nokkrar bækur sem menntamálastofnun hefur gefið út. Á vefnum kemur fram að “börnin geta ýmist lesið textann beint eða hlustað og fylgst með honum fyrst og lesið svo sjálf. Á hverri blaðsíðu eru spurningar úr textanum og lítið verkefni sem ýmist reynir á að raða stöfum rétt í orð (undirbúningur undir stafsetningu) eða raða orðum í setningu (lesskilningur).”

Spotify. Á spotify eru fjölmargar hljóðbækur á íslensku sem er þægilegt að hlusta á í bílnum eða fyrir svefninn. Dæmi um nokkrar eru:

Ávaxtakarfan

Bakkabræður

Benedikt búálfur

Bessi segir börnunum sögur

Dýrin í Hálsaskógi

Eldfærin

Emil í Kattholti

Gosi

Hafið bláa

Hans og Gréta

Kalli á þakinu

Kardemommubærinn

Karíus og Baktus

Lína Langsokkur

Mjallhvít

Móglí

Pétur og úlfurinn

Rauðhetta

Sagan af Argintætu

Strákurinn sem fauk út í veður og vind

sögustund.is

Öskubuska

Upplestur á ýmsum sögum. Youtube rásin Barnaefni á íslensku. Upplestur ýmissa barnabók á íslensku.